Mae nifer o’r bobl ag anableddau dysgu sydd wedi cyd-gynhyrchu adnoddau gyda Gogledd Cymru Gyda’n Gilydd hefyd yn awtistig neu’n niwrowahanol ac mae ein hadnoddau wedi eu dylunio yn unol â’r nod o wneud Cymru yn genedl gyfeillgar i niwrowahaniaeth.

Er enghraifft wrth ddatblygu ein canllaw hawdd i’w ddarllen ‘Beth yw Cymorth Ymddygiad Cadarnhaol?’ yn ddiweddar fe aethom ati i astudio papur y Tasglu Awtistiaeth Cenedlaethol ar Gymorth Ymddygiad Cadarnhaol gan sicrhau ein bod yn ymgymryd â’u holl argymhellion yn ymwneud â sut mae pobl awtistig eisiau cael eu cefnogi yn ystod cyfnodau o drallod. Mae adborth gan bobl niwrowahanol yng Ngogledd Cymru wedi cynnwys sylw fod yr adnodd yn niwrogadarnhaol iawn. 

Mae ein hyfforddiant newydd Cymorth Ymddygiad Cadarnhaol Da – Bywydau Da hefyd wedi ei ddylunio i fod yn niwrogadarnhaol drwyddo draw ac mae’n cynnwys adran lawn ar y pwysigrwydd o leihau straen a thrallod, gan gynnwys adran synhwyraidd o’r adnodd proffil niwroamrywiaeth rhanbarthol newydd i gefnogi dysgu yn ymwneud â deall a chefnogi gwahaniaethau synhwyraidd.