Adnoddau Hyfforddiant Cefnogaeth Dda

Mae’r rhain yn adnoddau hyfforddiant sydd wedi’u datblygu mewn partneriaeth â phobl ag anableddau dysgu. Mae’r holl adnoddau’n seiliedig ar y gwerthoedd a’r ymddygiadau y mae pobl ag anableddau dysgu yn eu disgwyl gan y bobl sy’n eu cefnogi.

Fframwaith Gwerthoedd ac Ymddygiadau Gogledd Cymru

Bu Tîm Gogledd Cymru Gyda’n Gilydd yn gweithio gyda grŵp o bobl gydag anableddau dysgu o gefndiroedd gwahanol i gyd-gynhyrchu cyfres o werthoedd cyffredin ar gyfer gweithlu gofal cymdeithasol Gogledd Cymru.

Nod y rhaglen

Mae’r llun yn dangos canlyniadau’r gwaith hwn a sut y mae pobl ag anableddau dysgu’n disgwyl cael eu trin gan staff cefnogi. Mae’r llun yn dangos canlyniadau’r gwaith hwn a sut y mae pobl ag anableddau dysgu’n disgwyl cael eu trin gan staff cefnogi.

  • Sut i’m trin yn dda
  • Gadewch imi reoli fy mywyd fy hun
  • Helpwch fi i gyrraedd fy mhotensial
  • Byddwch yn onest

Datganiad Annibyniaeth

Clywch ein Llais! Dyma ffilm bwerus wedi’i chreu gan bobl ag anableddau dysgu, gyda chefnogaeth y Tîm Gogledd Cymru Gyda’n Gilydd. Mae’n dangos beth yw cefnogaeth dda iddyn nhw ac yn datgan eu hawl i annibyniaeth, rheolaeth dros eu bywydau, rhyddid rhag stigma a labeli, a thriniaeth gyfartal.

Gwneud Pethau'n Iawn i Bobl ag Anableddau Dysgu

Dau fodiwl e-ddysgu sydd wedi’u cynhyrchu ar y cyd gan Dîm Gogledd Cymru Gyda’n Gilydd a phobl ag anableddau dysgu. Mae’r modiwl cyntaf ar gyfer staff cymorth uniongyrchol ac mae’r ail ar gyfer staff sydd o bosib â chyswllt rheolaidd gyda phobl ag anableddau dysgu.

Mae’r ddau fodiwl e-ddysgu’n canolbwyntio ar sut y gall staff sicrhau eu bod yn rhoi’r “gefnogaeth gywir” i bobl ag anableddau dysgu er mwyn iddynt allu byw eu bywyd mewn ffordd sy’n cynyddu eu hannibyniaeth, ansawdd bywyd a chynhwysiad cymdeithasol.

Scroll to Top